Shume e dhimbshme, por nuk munguan as kercenimet ne deshmine qe dha sot ne gjyq Marjus Xhepa, nena e te cilit u vra nga kunati i saj, xhaxhai i deshmitarit.
Ai ka treguar detaje rreth ngjarjes se rende te ndodhur ne 13 Shkurt të vitit të shkuar, kur nena e tij, Lirie Xhepa u vra nga kunati i saj Dashamir Xhepa.
“Unë kisha 7 vite që nuk i flisja, problemet nisën që kur vdiq babi. Mami kishte marrë urdhër mbrojte nga policia për shkak të xhaxhit dhe konflikteve të vazhdueshme pasi ai i kërkonte para”- ka thene ai, sipas AbcNews, duke treguar se 6 muaj para se të ndodhte ngjarja e ema kishte filluar punë në një fabrikë këpucësh.
Ai tregon se e shoqeronte te emen ne pune, pasi xhaxhai e ndiqte nga pas per t’i marre para, duke qene se ishte i papune.
Sipas deshmise, diten e ngjarjes, pasi ka shoqeruar te emen ne pune ai ka shkuar ne Fier per te takuar vellain ne burg dhe kur eshte kthyer ne shtepi, mamaja nuk ishte kthyer akoma, e ai meqe ishte i lodhur e ka zene gjumi.
Djali thote me tej se ne mengjes e kane zgjuar policet, qe i kane kerkuar verifikimin e trupit te gruas qe gjenden te pajete.
“Trupin e pajetë e kishin parë njerëzit e tjerë të lagjes, të cilët kishin lajmëruar policinë. Vendin ku u vra nëna ime e kam rreth 300 metra larg shtëpisë. Nënën time e ka vrarë Dashamir Xhepa, pasi më kishte thënë që do ta vriste, që përpara 7 vitesh, por unë i thoja merru me mua. Pasi kam identifikuar trupin kam vajtur në polici dhe kam dhënë deklarime më pas, kam shkuar për të bërë ceremoninë e varrimit”- thote ai, duke shtuar se “ai është legen se nuk u mor me mua por me një femër. Përveç konfliktit të lekëve, nuk ka pasur shkaqe të tjera për ta vrarë nënën time, nuk ka pasur çështje simpatie apo lidhje sentimentale”.