Vjen lëvizja e fortë e SPAK/ Nisin arrestimet dhe shoqërimet, ja çfarë ka ndodhur

Një aksion i befasishëm anti-drogë është zhvilluar gjatë natës që sapo lamë pas në Vlorë.

Kanë qenë forcat e policisë të nisura nga Tirana të cilët në bashkëpunim me oficerët e drejtorisë së policisë së Vlorës kanë hyrë në zonat më problematike.

Ky operacion, pjesë e një aksioni ndërkombëtar kundër kokainës, ka ardhur si pasojë e kërkesës së SPAK.

Deri më tani janë shoqëruar 7 persona, të arrestuar qoftë për drogërat e forta si kokaina por edhe për kultivim kanabisi.

Sipas burimeve, në këto zona, kryesisht në fshatrat e lumit të Vlorës, janë evidentuar mbi 40 parcela të mbjella me lëndë narkotike, të cilat kanë qenë në vëzhgim prej ditësh për të bërë të mundur evidentimin e personave që i posedonin.

Aksioni është finalizuar pas disa hetimeve të përbashkëta të cilat kanë nisur në Itali, Spanjë, Holandë dhe Dubai, pasi trafiku i drogës dyshohet se është shtrirë deri në këto shtete.