Virologu gjerman bën deklaratën e fortë: Ja deri kur do bashkëjetojmë me COVID19

Një lajm jo shumë i mirë vjen së fundmi për botën, përsa i përket pandemisë së COVID19.

Kështu, mësohet se një virolog gjerman ka paralajmëruar se bashkejetesa me koronavirusin do të zgjasë dhe tre vite dhe njerëzit duhet të mësohen me këtë fakt.

Bëhet fjalë për profesor Hendrik Streeck, i cili u shpreh se publiku do të dëgjojë shpesh për shtim rastesh në zona të ndryshme të shtetit ku jeton deri në 2023.

“Do të jemi duke luftuar me Covid-19 edhe në vitin 2023. Njerëzit duhet të mësohen me këtë”, tha virologu gjerman për “Daily Record”.

“Virusi nuk do të zhduket, është bërë pjesë e përditshmërisë sonë. Do të jetë me ne edhe për 3 vite të tjerë dhe ne duhet të gjejmë mënyrën për të bashkëjetuar me të. Por, është shumë e rëndësishme që të ndalojmë eventet e mëdha që krijojnë vatra infeksioni”, deklaroi Streeck.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Shkencëtari tha se vaksina mund të zbulohet, por ka dyshime mbi shpejtësinë e efikasitetit të saj: “Vaksina mund të jetë zgjidhja, por nuk e dimë ende”.