LIGJET E BIZNESIT
Një ngjarje tragjike, tronditi sot pasdite qytetin e Sarandë. 37- vjeçarja Elona Dauti, i dha fund jetës së saj pas vetëhelmimit. Edhe pse u bë e pamundura që ajo të mbijetonte duke e transportuar me helikopterin e urgjencës drejt Tiranës, nuk u arriti dot të mbijetonte.
37- vjeçarja fatkeqësisht ndërroi jetë gjatë transportit për në spital, duke u larguar nga kjo botë në një moshë të re. Shkak për vetëhelmimin u bë një vendim i Gjykatës së Sarandës, e cila i mohoi të drejtën viktimës për mbajtjen e vajzës së saj.
Mësohet se Gjykata i dha të drejtë bashkëshortit të saj për kujdestarin e vajzës së tyre 12- vjeçare, e cila shkoi për në Itali për të jetuar tek babai i saj. Një vendim Gjykate me shumë pikëpyetje, çka ka sjellë dhe këtë tragjedi për familjen Dauti.
Po kush ishte Elona Dauti?
Ajo punonte në Bankën Kombëtare Tregtare të Sarandës si ekonomiste, duke qenë një profesioniste e zonja, si dhe ishte banore e lagjes nr 4, ku njihej si një zonjat më të respektuara dhe e dashur për banorët.
Ajo ka pasur një lidhje të fortë me vajzën e saj dhe duket se vendimi i dyshimtë i Gjykatës për t’ia hequr kujdestarinë pas ndarjes nga bashkëshorti, bëri që gjëndja e saj psikologjike të rëndohej dhe fatkeqësisht të kishte këtë fund tragjik.
