U infektua me COVID19/ Përkeqësohet gjendja e Silvio Berlusconit, dërgohet urgjent në spital

Dy ditë pasi u konfirmua me COVID19, mësohet se gjendja shëndetësore e ish-kryeministrit italian Silvio Berlusconi është rënduar.

Më pas ai është dërguar me urgjencë për në spitalin San Raffaele në Milano ku ndodhet aktualisht i shtruar.

Lajmin e kanë bërë me dije burime nga stafi i tij, raportojnë mediat italiane.

Biznesmeni 83-vjeçar nuk është në kujdes intensiv, por ka patur probleme dhe vështirësi në frymëmarrje.

Sipas mjekëve shtrimi i tij ishte i nevojshëm për të patur nën kontroll situatën, duke patur parasysh moshën e tij dhe patologjitë e mëparshme, si dhe faktin që ka bërë disa ndërhyrje delikate.

Senatori i Forza Italia Licia Ronzulli i tha Agorà Rai në Rai3: “Berlusconi kaloi natën në spital, ai u shtrua në spital natën e kaluar. Mëngjesi filloi pak keq. Berlusconi është mirë, ai e kaloi natën mirë. Një vizitë në spital ??ishte e nevojshme për të monitoruar progresin e Covid-19”.