Tronditëse/Hidhet nga kati i katërt i spitalit pacienti me virus

Një pacient i shtruar në spitalin “Shefqet Ndroqi” në Tiranë i ka dhënë fund jetës duke u hedhur nga kati i katërt i spitalit.

Ngjarja e rëndë ka ndodhur mbrëmjen e sotme.

Mësohet se pacienti rreth 65-vjeç, identiteti i të cilit nuk dihet ende, kishte rreth dy ditë i shtruar në spital pasi ishte prekur nga koronavirusi. Ai ishte në gjendje të rënduar shëndetësore por edhe mendore.

Ky është rasti i dytë që një pacient i prekur me koronavirus është vetëvrarë duke u hedhur nga spitali. Në datën 13 gusht, 29-vjeçari Xhino Koça i dha fund jetës në të njëjtën mënyrë.