Një 25 vjecar ka humbur jetën në mënyrë tragjike vetëm 5 minuta pasi bëri disa fotografi me partneren Larissa Campos për të festuar fejesën. Joao Guilherme Torres Fadini, 24 vjeç, u rrëzua dhe vdiq tragjikisht në Sao Paulo, Brazil.
Me lot në sy, Larissa sqaroi se ai po merrte pjesë në një garë noti për të dalë në bregun tjetër, kur edhe pas disa pozave të fundit me të, vdiq papritur duke u mbytur. Festën po e zhvillonin me disa miq në Digën Itupararanga, zonë turistike e vendosur në lumin Sorocaba, në rajonin Sorocaba të shtetit brazilian të Sao Paulo.
Biznesmeni brazilian i cili përshkruhej si një notar i mirë e puthi në ballë vetëm disa çaste para se të ndërronte jetë. Duke folur për median lokale G1, Larissa shpjegoi si ndodhi ngjarja duke thënë: “Pas puthjes, ai hoqi këmishën dhe hyri në ujë së bashku me miqtë tanë. Ai më kërkoi ta prisja dhe tha se më donte.
Ata filluan një garë noti për në bregun tjetër. Pothuajse të gjithë u dorëzuan dhe kishte mbetur vetëm ai dhe kunati im Gabriel. Sidoqoftë, ndërsa ata po vazhdonin garën, Joao papritmas u zhduk nën ujë.
Grupi e kërkoi atë dhe më pas thirri shërbimet e urgjencës.”
