Të shtëna me armë në Tiranë/ Policia arreston autorin, si tentoi të eleminonte një person

Të shtëna me armë zjarri në Kamzë të Tiranës.

Mësohet se një 51-vjeçar ka rënë në prangat e policisë pasi gjatë një sherri për pronën me fqinjin e tij, ka marrë armën e gjahut dhe e ka qëlluar duke tentuar që ta vrasë.

Për fat të mirë nga të shtënat nuk ka mbetur askush i lënduar.

Sipas policisë është arrestuar në flagrancë shtetasi me iniciale G. N., 51 vjeç, banues në Tiranë, sepse pas një konflikti për motive pronësie me shtetasin G. B., me vetëgjyqësi ka qëlluar në drejtim të këtij shtetasi, pa e dëmtuar atë, duke prishur rendin dhe qetësinë publike.

Falë reagimit dhe ndërhyrjes në kohë të Policisë u bë parandalimi i përshkallëzimit të mëtejshëm të këtij konflikti dhe arrestimi në flagrancë i autorit të dyshuar të ngjarjes.

Kamzë, Tiranë

Ndërhyrja në kohë e Policisë parandalon përshkallëzimin e mëtejshëm të një konflikti të ashpër mes dy shtetasve, për motive pronësie.

Qëlloi me armë gjahu çifte në drejtim të një shtetasi, arrestohet në flagrancë 51-vjeçari.

Sekuestrohet arma e gjahut çifte, të cilën 51-vjeçari e kishte me leje.

Specialistët për Hetimin e Krimit në Komisariatin e Policisë Nr. 5 bënë arrestimin në flagrancë të shtetasit G. N., 51 vjeç, banues në Tiranë.

Ky shtetas, pas një konflikti për motive pronësie me shtetasin G. B., me vetëgjyqësi ka qëlluar në drejtim të këtij shtetasi, pa e dëmtuar atë, duke prishur rendin dhe qetësinë publike.

Falë reagimit dhe ndërhyrjes në kohë të Policisë u bë parandalimi i përshkallëzimit të mëtejshëm të këtij konflikti dhe arrestimi në flagrancë i autorit të dyshuar të ngjarjes.

Materialet i kaluan Prokurorisë pranë Gjykatës së Shkallës së Parë Tiranë, për veprat penale “Kanosja”, “Vetëgjyqësia” dhe “Prishja e rendit dhe qetësisë publike”.