Sipas fansave, ja si mund të quhet bebushja e Zayn dhe Gigi!

Fansat janë të bindur se ata tashmë e dinë emrin e vajzës së porsalindur të Gigi Hadid dhe Zayn Malik, dhe disa nga opsionet e tyre janë me të vërtetë të çuditshme!

Disa nga ndjekësit e supermodeles në Instagram thonë se ata mund ta kenë quajtur të voglën me emrin “Malikinha”, ndërsa të tjerët thonë “Maria”, dhe një grup tjetër shkruajnë për një bashkim emrash që jep “Zagi” ose “Zayan”.

Megjithatë, duhet ende të presim një reagim nga vetë çifti dhe po kryqëzojmë gishtat mos të kenë zgjedhur ndonjë emër të çuditshëm.

Gigi dhe Zayn pushtuan rrjetin këtë të enjte,teksa ndanë dy fotografi të dorës së vajzës së tyre me Zayn, duke shtuar se ajo kishte lindur në fundjavë.

Babi Zayn ishte i pari që dha super lajmin në Instagram, duke shkruar: “Vajza jonë është këtu, e shëndetshme dhe e bukur. Të provosh të shprehësh me fjalë se si po ndihem tani do të ishte e pamundur. Dashuria që ndiej për këtë njeri të vogël është përtej kuptimit tim. Mirënjohës që e njoh dhe krenar për ta quajtur timen dhe mirënjohës për jetën që do të kemi së bashku”.

Disa minuta më vonë, Gigi ndau një tjetër foto të bukur të dorës së vajzës së saj dhe Zayn, duke shkruar: “Vajza jonë u bashkua me ne në tokë këtë fundjavë dhe ajo tashmë ka ndryshuar botën tonë. Kam rënë në dashuri”.

Ky është fëmija i parë për modelen 25 vjeçare dhe ish-pjesëtarin e One Direction.

Ata konfirmuan lajmet e shtatzënisë në prill pas disa javësh spekulimesh.

Dy yjet me famë botërore filluan të takoheshin për herë të parë pasi u takuan në një mbrëmje pas shfaqjes së Victoria’s Secret në New York në nëntor 2015.

Sidoqoftë, në mars 2018, çifti zbuloi se kishin vendosur të ndaheshin pas më shumë se dy vitesh së bashku.

Megjithatë, u rikthyen sërish në krahët e njëri-tjetrin disa muaj më vonë dhe ja ku janë më të lumtur se kurrë.