Renada Caci, aktorja e njohur e Portokallisë e cila njihet me rolin e saj “Luze” ka dhënë dorëheqjen. Ajo ka njoftuar largimin nëpërmjet një postimi në Instagram, ku falenderon drejtuesit e Top Channel, përveç Altin Bashën. Pikërisht këtu qëndron edhe arsyeja e dorëheqjes.
Burime brenda Top Channel, bëjnë me dije se “Luzja” është larguar nga Portokalli prej sjelljes “problematike” të regjisorit Basha.
Burimet shtojnë se Renada Caci u ka thënë kolegëve se Basha e ka trajtuar shumë keq, me ofendime dhe mungesë respekti. Të njëjtat burime bëjnë me dije se Basha ka sjellje të vështirë me kolegët dhe shpesh herë ofendon aktorët. Po ashtu mësohet se vetëm pak muaj më parë kërcënoi aktorin Rezart Veleshnja dhe çështja për pak sa nuk përfundoi në prokurori.
Njëkohësisht me Renadën, është larguar edhe aktorja Egla Ceno, e cila imiton në Portokalli Eni Vasilin. Edhe Ceno për të njëjtën arsye, atë të përplasjes me Bashën, thuhet se ka dhënë dorëheqjen. Mësohet se Basha nuk i ka dhënë role. Këto nuk janë raste sporadike. Gjatë viteve nga Portokalli janë larguar pa kthum aktorë shumë të mirë, për shkak të sjelljes së paqëndrueshme të Altin Bashës.
Për më shumë bëhu pjesë e grupit më viral në Facebook, Dosja.al
Mjaftojmë të kujtojmë këtu Agron Llakajn, Jul Dedën, Erion Isain, Bes Kallakun, Delinda Dishën dhe në fund Renada Cacin me Egla Cenon.
Burimet brenda Top Channel, thonë se gjate javëve të fundit kur u mendua se Altin Basha do të largohej nga Portokallia, këta aktorë kanë deklaruar se janë gati të rikthehen nëse ikën Basha. Mesa duket problemi i Portokallisë është Altin Basha