LIGJET E BIZNESIT
Ambasada Amerikane në Tiranë njofton se do të rikthehet dhënia e vizave për qytetarët shqiptarë, pas një periudhe pezullimi si pasojë e Covid 19. Po ashtu do të bëhet rinisja e aplikimeve për raundin e dytë të lotarisë amerikane, nga e hëna e 14 Shtatorit dhe do të përmbyllet në datën 30 Shtator, që është dhe afati i fundit.
Shumë qytetarë kanë shkruar në faqen e ambasadës amerikane se kjo periudhë dyjavore është e pamnjaftueshme për realizimin e të gjitha intervistave, dhe kërkojnë që të shtyhet afati për vlefshmërinë e tyre edhe pas datës 30 Shtator.
Gjithnjë rinisja dhe ky proces aplikimesh është i vlefshëm për të gjithë ata qytetarë që janë shpallur fitues në raundin e parë, dhe që intervistat u shtynë për shkak të Covid 19.
Njoftimi i plotë i Ambasadës Amerikane
Bazuar në udhëzimet e fundit të Departamentit Amerikan të Shtetit, Ambasada e Sh.B.A.-së në Tiranë do të rinisë procedimin e aplikimeve për Lotarinë Amerikane të hënën, më 14 shtator. Ju lutemi, kini parasysh që Programi i Lotarisë Amerikane 2020 skadon më 30 shtator 2020.
Departamenti i Shtetit ka përcaktuar përparesitë në planifikimin e intervistave, bazuar në vendimin e fundit të gjyqit (Gomez kundër Trump) dhe standardeve statutore, të cilat Departamenti i Shtetit shpreson të rezultojnë në lëshimin në kohë të vizave për aplikantët e përzgjedhur, deri më 30 shtator. Për më shumë detaje.
Vizat Imigruese për në Shtetet e Bashkuara procesohen për qytetarët dhe rezidentët e Shqipërisë në Ambasadën e Shteteve të Bashkuara në Tiranë.
Për të aplikuar për një vize imigruese, një qytetar i huaj që dëshiron të emigrojë, duhet të sponsorizohet nga një qytetar amerikan ose të afërm të ngushtë me rezidencë të përhershme ligjore, ose një punëdhënës i ardhshëm amerikan, si dhe të ketë një peticion të miratuar përpara se të aplikojë për vizë emigruese. Sponsori nis procesin duke dorëzuar një peticion në emër të qytetarit të huaj tek Shërbimet për Shtetësinë dhe Imigrimin në Shtetet e Bashkuara (USCIS).
Ju mund të keni nevojë që të kontrolloni Listën e Kategorive të Vizave në usvisas.state.gov për të mësuar për llojet e ndryshme të vizave imigruese për në Shtetet e Bashkuara, përfshirë edhe programin tonë të Lotarisë Amerikane. Më pas, ndiqni hapat e Procesit të Vizave Imigruese ose të Lotarisë Amerikane, në faqen usvisas.state.gov për të nisur aplikimin për viza imigruese.
Pasi USCIS të ketë miratuar peticionin tuaj dhe pasi ju të keni përfunduar fazën përgatitore të procesit me Qendrën Kombëtare të Vizave (NVC), ose nëse jeni përzgjedhur për Lotarinë Amerikane dhe keni përfunduar procesin me Qendrën Konsullore në Kentaki (KÇ), ju duhet të rishikoni udhëzimet që ju janë dhënë nga NVC-ja ose KÇ-ja, së bashku me informacionin e dhënë në këtë faqe interneti, për udhëzime dhe drejtime të mëtejshme.
