RENEA zbarkon në Elbasan pas vrasjes së vëllait të Talo Çelës, bën kërdinë

Forcat RENEA kanë zbarkuar në qytetin e Elbasanit, ku kanë nisur kontrolle masive në shumë shtëpi. Konkretisht, efektivët kanë kryer kontrolle dhe kanë bastisur disa shtëpi, në fshatin Broshkë dhe Përparim, disa orë pas ekzekutimit të vëllait të Talo Çelës, Bujarit.

Deri më tani, mësohet se janë shoqëruar disa persona në komisariatin e Elbasanit. Identetet e tyre nuk bëhen me dije, por dyshohet se ata kanë lidhje apo dijeni për ekzekutimin dhe autorët e vrasjes së Çelës.

Bujar Çela u ekzekutua mëngjesin e sotëm para një lokali tek rrethrrotullimi i Bradasheshit. 3 autorët të veshur si policë vranë me armë zjarri 50-vjeçarin dhe pas krimit të rëndë ata dogjën mjetin që përdorën gjatë atentatit. Viktima ishte vëllai i Talo Çelës, të shumëkërkuarit për grabitjen e Rinasit dhe vrasjen e dy vëllezërve Haxhia në Durrës.