Presidenti Meta i pikëlluar, merr lajmin e dhimbshëm

Përmes një mesazh në facebook, Kreu i shtetit thotë se ky është një tjetër lajm i trishtë, që e ka hidhëruar sot, pas ndarjes nga jeta edhe të Profesorit Sabit Brokaj.

Po ashtu Meta tregon se Filon e ka pasur profesor në gjatë kohës që ka kryer studime dhe ruan respekt për komunikimin e ngrohtë dhe njerëzor si mësimdhënës.

“Si ish-student i Tij ruaj respektin më të thellë për komunikimin e ngrohtë dhe njerëzor si mësimdhënës, për aftësitë e spikatura pedagogjike, por edhe si një intelektual me vlera të larta shoqërore dhe qytetare, me kontribut të shquar në fushën e Historisë, së cilës i kushtoi gjithë jetën e Tij”- shkruan ndër të tjera Presidenti.

Postimi i plotë:

Një tjetër lajm i trishtë më hidhëroi sot, ndarja nga jeta e njërit prej Profesorëve të mi të dashur, Llambro Filo, pedagogut veteran të Departamentit të Historisë.

Si ish-student i Tij ruaj respektin më të thellë për komunikimin e ngrohtë dhe njerëzor si mësimdhënës, për aftësitë e spikatura pedagogjike, por edhe si një intelektual me vlera të larta shoqërore dhe qytetare, me kontribut të shquar në fushën e Historisë, së cilës i kushtoi gjithë jetën e Tij.

Duke ndarë dhimbjen me familjen Filo, të afërmit, komunitetin e nderuar të historianëve dhe të gjithë studentët e shumtë të Tij, ju shpreh ngushëllimet e mia më të sinqerta!

Lamtumirë i dashur Profesor!

I paharruar kujtimi!