Plas në PS/ Safet Gjici s’kursehet për Mimi Kodhelin: Nuk e njihte njeri në Kukës, do isha unë deputet jo ajo

Dje kryeministri Edi Rama gjatë një takimi me strukturat e Partisë Socialiste në Elbasan, bëri me dije se do të kishte disa ndryshime në emrat e drejtuesve politikë në qarqe.

Ndërkohë midis tyre ra në sy dhe ai i Safet Gjicit si drejtues politik i Kukësit.

Por ditën e sotme në një deklaratë për mediat, Gjici i është kundërvënë deputetës së PS së Kukësit Mimi Kodheli duke u shprehur se ajo nuk e njihte fare qarkun kur u zhvilluan zgjedhjet por partia e dërgoi atje si kryesuese e listës.

“Nuk është e vërtet, ajo ka problemin e vet unë kam punën time. Natyrisht që Mimi Kodheli ska qenë e njohur fare në qytetin e Kukësit por partia e solli si kryesuese të listës për deputetë në qarkun e Kukësit. Natyrisht partia dhe ne ishim të bindur për ta mbështetur dhe e mbështetëm dhe sot ajo ka mandatin e deputetit.

Tashmë kemi një sistem tjetër zgjedhor, zgjedhje të drejtpërdrejta ku individi dop të marrë më shumë vota do të dalë deputet. Nëse në 2017 do të ishte ky sistem zgjedhor sot në parlamentin e Shqipërisë do të isha unë deputet dhe jo Mimi Kodheli”, tha Gjici për Fax News.