Një tjetër aksident fatal është shënuar sot në mesditë në rrugët e Shqipërisë.
Mësohet se si pasojë e përplasjes në aksin Elbasan-Peqin, ka humbur jetën një 77-vjeçar.
Viktima, i cili po udhëtonte me motoçikletë është identifikuar si shtetasi Xhelal Toli, njëkohësisht dhe babai i ish-kryetarit të Komunës Gjoçaj.
Ai është përplasur me një motor.
Policia ka mbërritur në vendngjarje dhe ka nisur hetimet për të zbardhur shkaqet dhe rrethanat e aksidentit.
NJOFTIMI ZYRTAR I POLICISE
Në aksin rrugor Elbasan- Peqin, në fshatin Gjocaj, shtetasi E.Z., banues në Fier, duke drejtuar mjetin tip “Benz”, është përplasur me motoçikletën me drejtues shtetasin Xh.T., 77 vjeç, banues në fshatin Gjocaj, Peqin.
Si pasojë e aksidentit është plagosur dhe ka ndërruar jetë drejtuesi i motoçikletës.
Grupi hetimor ndodhet në vendngjarje dhe po punon për zbardhjen e shkakut të aksidentit.
