Përkeqësohet situata, ja çfarë po ndodh në dy spitalet me pacientët me virus

Situata e pandemisë në vendin tonë vijon të jetë ende shqetësuese ku gjatë 24-orëve të fundit janë regjistruar 3 vdekje dhe 151 raste të reja pozitive. Aktualisht situata në spitalet Covid ka pasur një përkeqësim të lehtë ku numri i pacientëve të shtruar është rritur me 5, numri i personave në terapi intensive ka pësuar një përkeqësim duke shkuar nga 13 në 21, ndërkohë që numri i personave të intubuar nuk ka ndryshuar nga 4 përgjatë 24 orëve të fundit.

Aktualisht në spitalin Infektiv dhe “Shefqet Ndroqi” po trajtohen 198 pacientë të konfirmuar pozitivë me COVID-19, 21 prej tyre ndodhen në terapi intensive nga të cilët vetëm 4 pacientë janë të intubuar. Në dy spitalet COVID janë gjithashtu duke marrë shërbim të specializuar 8 qytetarë të cilët kanë qenë pozitivë me COVID-19 dhe aktualisht janë negativizuar, por po vijojnë të marrin trajtim spitalor për pasojat e sëmundjes.

Kujtojmë se ditën e djeshme në spitalin Infektiv dhe “Shefqet Ndroqi” po trajtoheshin 193 pacientë të konfirmuar pozitivë me COVID-19, 13 në terapi intensive nga të cilët vetëm 4 pacientë ishin të intubuar.