Vijojnë zhvillimet e forta politike në vendin tonë.
Kryetarja e LSI Monika Kryemadhi ka zhvilluar një takim për herë të parë në Presidencë me Kreun e Shtetit Ilir Meta, i cili është njëkohësisht dhe bashkëshorti i saj.
Pas takimit, Kryemadhi u shpreh në një deklaratë për mediat se nuk do ta bëjë sërish “çmendurinë” e bojkotit të zgjedhjeve.
“Nuk është çështje date, por çështja është për të pasur zgjedhje të lira dhe të ndershme.
I bëmë të qartë presidentit se LSI do zbatojë çdo vendim dhe dekret të presidentit që është kushtetues dhe do të marrë pjesë në çdo proces zgjedhor që do iu garantojë qytetarëve qeverisjen europiane që kanë aspiruar prej kohësh”-tha ndër të tjera Kryemadhi.
