Ditën e sotme SPAK ka nisur marrjen në pyetje në lidhje me shembjen e godinës së Teatrit Kombëtar.
Hetimet kanë nisur pas 6 padive të ngritura nga Aleanca për Teatrin Kombëtar.
Mësohet se Prokuroria e Posaçme i ka bashkuar ato në një të vetme.
E para që është marrë në pyetje nga Oficeri i Policisë Gjyqësore është avokatja Adriana Kalaja. Ndërkohë që pas saj do të pyeten të gjithë personat e tjerë të përfshirë në këtë çështje.
Kujtojmë se Aleanca për Teatrin ka bërë në SPAK një kallëzim për kryetarin e Bashkisë Tiranë Erion Veliaj, ministrin e Brendshëm Sandër Lleshaj dhe kreun e Policisë së Shtetit Ardi Veliu.
Ata i akuzojnë për “vrasje të mbetur në tentativë”.
Sipas Aleancës, në mometin e shembjes ka patur aktivistë dhe artistë brenda dhe ata kanë rrezikuar jetën.
Prokuror i çështjes hetimore është përzgjedhur, Ervin Kondili.