OFL ‘zbarkon’ në Durrës/ Në shënjestër 3 ‘të fortë’ që duhet të deklarojnë pasurinë, ja kush janë (EMRAT)

Ditën e sotme Operacioni Forca e Ligjit është ndalur në Durrës, ku i është dërguar formulari për deklarimin e pasurisë 3 shtetasve.

Ata janë dënuar për trafik dhe prodhim të lëndëve narkotike.

Mësohet se nën ‘shënjestër’ janë: Afrim Keçi, Emiljan Keçi dhe dhe Erjon Gjinlija.

Afrim Keçi banues në Durrës, i dënuar për veprën penale “Trafikimi i narkotikëve”.

Emiljan Keçi banues në Durrës, i dënuar për veprën penale “Trafikimi i narkotikëve”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Erjon Gjinlija banues në Durrës, i dënuar për veprën penale “Prodhimi dhe shitja e narkotikëve”.

NJOFTIMI ZYRTAR I OFL

Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020.

Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:

1. K., banues në Durrës, i dënuar për veprën penale “Trafikimi i narkotikëve”;
2. K., banues në Durrës, i dënuar për veprën penale “Trafikimi i narkotikëve”;
3. Gj., banues në Durrës, i dënuar për veprën penale “Prodhimi dhe shitja e narkotikëve”.

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.

OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.