Kanë vijuar lëkundjet e tërmetit gjatë natës në qarkun e Elbasanit, ku epiqendra ka qenë kryesisht Belshi.
Pas lëkundjeve të forta që ndodhën dje në orën 21:21 me magnitudë 4.2 të shkallës Rihter po në Belsh, ku për fat të mirë nuk pati dëme, janë shënuar dhe të tjera.
Por pas mesnatës këto lëkundje kanë qenë shumë të vogla, duke u nisur nga 1.6 ballë deri në 2.
Kanë qenë gjithsej 5 të tilla, përkatësisht katër herë në Belsh, dhe një në Cërrik.
Kujtojmë se vitin e kaluar Shqipëria u godit rëndë nga dy tërmete, ai i 21 shtatorit që shkaktoi dëme të mëdha materiale, si dhe ai i 26 nëntorit, që përveç dëmeve, shkaktoi edhe 51 viktima.