Një ngjarje e rëndë ka ndodhur në Ukrainë ditën e sotme, pasi trupi i një punonjëse të ambasadës amerikane në Kiev është gjetur nga punonjësit e hekurudhës në një park.
Ata dyshojnë se sulmi është kryer nga një burrë. Policia raportoi se gruaja u gjet pa ndjenja me një dëmtim në kokë nga një kalimtar i rastit jashtë qendrës së qytetit, me veshje sportive dhe me kufje.
Ajo u dërgua në spital, ku iu nënshtrua një operacioni, por nuk mundi të mbijetojë. Policia po kërkon një burrë me flokë të errët 30-40 vjeç, i veshur me pantallona të shkurtra të errëta dhe një bluzë.
Ata kanë hapur një hetim për vrasje të dyshuar, por nuk kanë përjashtuar që vdekja të ishte aksidentale, raporton Reuters.
“Gruaja pa ndjenja u shtrua në një spital ku më pas vdiq. Gjatë ekzaminimit të sendeve të viktimës, u gjet një kartë identiteti dhe një kartë pune e Ambasadës Amerikane në emrin e saj”, tha policia në Facebook.
“Mund të jetë një krim”, shkroi zëdhënësi i Ministrisë së Brendshme Artem Shevchenko.