“Nëse vonohet ka pasoja të rënda”, mjekja e Infektivit e thotë hapur se kush e merr vendimin për futjen e pacientit në intubim

Mjekja e spitalit Infektiv, Entela Kolovani thote se pacientet e shtruar ne spital shkojne në intubim nese e gjykojne keshtu mjekët specialistë, por edhe duke informuar me pare familjarët.

Në një intervistë për News24, Kolovani thotë se intubimi është një procedurë në ndihmë të pacientit.

“Duke ditur që sëmundja është me të papritura, ku pacienti mund të rëndohet nga momenti në moment vendimi merret në bashkëpunim me ekipin e reanimatorëve. Janë disa parametra klinike dhe laboratorik që plotësojnë kriteret për ta futur pacientin në intubim. Është një procedurë që bëhet në kohën e duhur dhe nëse vonohet ka pasoja të rënda për pacientët.

Intubimi është një moment kur pacienti nuk po merr përmirësime. Ne informojmë familjarin duke i thënë që kushtet shëndetësore nuk janë mirë dhe mund të përfundojë në intubim”, u shpreh mjekja.