Në kulmin e tensioneve me Greqinë/ Erdogan lëshon ultimatumin e fortë: Turqia nuk do të tolerojë

Një tjetër deklaratë e fortë ka ardhur së fundmi nga president turk Recep Tayyip Erdogan.

Ky i fundit është shprehur se Turqia nuk do të tolerojë veprime të paligjshme në rajonet e Egjeut dhe Mesdheut.

“Turqia nuk do të lejojë piraterinë ose banditizmin në rajonet e Mesdheut dhe Egjeut”, tha presidenti Erdoğan në provincën Giresun të Detit të Zi në një ngjarje që shënon fillimin e sezonit të peshkimit.

Ndër të tjera ai shtoi se shteti i tij nuk do të kufizohet në brigje, pasi është një nga vendet me vijën më të gjatë bregdetare në rajonin e Mesdheut.

Numri një i Turqisë foli dhe kundër mosmarrëveshjeve të fundit me Greqinë mbi kufijtë detarë, sidomos në lidhje me kërkimin e energjisë në Mesdheun Lindor.

Greqia është përpjekur të kufizojë në mënyrë të paligjshme territorin detar të Turqisë, duke u përpjekur ta fusë atë në brigjet e saj bazuar në ishujt e vegjël grekë pranë bregdetit turk.

Turqia ka argumentuar se palët duhet të ulen për dialog për të arritur një zgjidhje fituese për të dyja palët të bazuar në ndarjen e drejtë.

Greqia së fundmi ka kryer stërvitje ushtarake që synojnë të ndalojnë Turqinë në synimin e saj për të kërkuar energji, si dhe ka armatosur në mënyrë të paligjshme ishujt në Egje, duke shkelur traktatet e paqes.