“Ndryshimet në qeveri s’janë të lehta” Beqaj merr frenat e PS në Shkodër, por nuk harron ‘kunjën’ për Bushatin

Ish-ministri i Shëndetësisë Ilir Beqaj është emëruar së fundmi drejtues politik i PS në Shkodër.

Ai ka zhvilluar sot disa takime në qytetin verior me strukturat e Partisë Socialiste.

Gjatë një prononcimi më pas për mediat, Beqaj bërë me dije se mbledhja ka qenë informuese dhe rikthimi në Shkodër për të është privilegj.

Ndërsa përsa i përket ndryshimeve të mundshme në qeveri, Beqaj u shpreh se kjo është një kompetencë që i takon kryeministrit.

“Ndryshimet në qeveri është e drejte e kryeministrit dhe 7 muaj para zgjedhjeve nuk është e lehtë të bëhen.”- tha Beqaj

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

I pyetur në lidhje me zhvillimin e zgjedhjeve lokale, Beqaj ka deklaruar se kjo është një çështje që e di presidenti, ndërkohë që ka shtuar se puna do të jetë e përqendrar në qarkun e Shkodrës, duke shtuar se do punojnë me deputetë dhe me kryetarë të bashkive.

“Zgjedhjet lokale çështje që e di presidenti, zgjedhjet një ditë do të bëhen. Fillimisht puna jonë do përqendrohet në gjithë qarkun për zgjedhjet parlamentare. Kemi një boshllëk një vjeçar në punën e partisë dhe duhet të punojmë shumë.”- tha Beqaj.

Po Beqaj gjatë fjalës së tij nuk ka lënë pa komentuar dhe largimin e Ditmir Bushatit, duke u shprehur se ai ka 14 muaj që nuk është aktiv në PS e Shkodrës.

“Bushati ka 14 muaj që e ka lënë PS-në Shkodër dhe nuk mund të themi si e la ai PS-së këtu. Zoti Bushati është deputet dhe nuk e vendosim në nëse është apo jo dhe aktualisht nuk ndodhet as në Tiranë dhe as në Shkodër.”- ka thënë Beqaj.