Gjatë natës që sapo lamë pas, xhami i jashtëm i lokalit “San Marko” në qendër të Durrësit është thyer.
Sipas policisë bëhet fjalë për një tentative vjedhjeje.
Ndërkohë autori i dyshuar, një 15-vjeçar me iniciale H.L ka rënë në prangat e uniformave blu.
“Kapet në flagrancë një shtetas, pasi tentoi të vidhte në një lokal në lagjen nr. 4, Durrës. Nga shërbimet e Policisë Durrës u ndalua shtetasi i mitur H.L., 15 vjeç, pasi tentoi të vidhte gjatë natës në një lokal në pronësi të shtetases N.Sh., në lagjen nr. 4, Durrës. Materialet do i kalojnë Prokurorisë së Rrethit Durrës, për veprime të mëtejshme”, thuhet në njoftimin zyrtar të policisë.
