Bluzat e bardhë në vend kanë paralajmëruar protest ditën e nesërme ne orën 10:00 në oborrin e Qendrës Spitalore Universitare “Nënë Tereza”. Mjekë, infermierë dhe pjesëtarët e tjerë të stafit kanë kërkuar leje për tubim në Policinë e Shtetit por u është mohuar sepse nuk lejohen grumbullimet për shkak të pandemisë së koronavirusit.
Pas njoftimit për protestë, i menjëhershëm ka qënë edhe reagimi i kryeministrit Edi Rama, i cili i ka ftuar mjekët në zyrën e tij, një orë para orarit të caktuar për tubimin. Nuk dihet nëse ata do të shkojnë në takimin me Ramën. Mjekët kanë katër kërkesa për qeverinë, nga e cila kërkojnë rritje të vlerësueshme të trajtimit financiar si dhe të bëhet sigurimi i jetës së personelit shëndetësor.
Kërkesat e mjekëve:
-Të shpallen dëshmorë të kombit të gjithë ata pjesëtarë të personelit shëndetësor të cilët humbin jetën në këtë luftë me këtë armik të padukshëm
-Të bëhet sigurimi i jetës së personelit shëndetësor, me qëllim që familjet e tyre të mund të vazhdojnë jetën edhe pas fatkeqësive të mundshme në këtë luftë.
Për më shumë bëhu pjesë e grupit më viral në Facebook, Dosja.al
-Rritje të vlerësueshme e trajtimit financiar të personelit shëndetësor.
-Personeli shëndetësor të çdo niveli t’i sigurohen të gjitha kushtet optimale në punë për parandalimin e infeksionit sipas të gjitha standardeve kombëtare dhe ndërkombëtare.
Shkresa e mjekëve e cila ka katër pika është firmosur nga Anika Dokle (vajza e deputetit Namik Dokle), Arjan Harxhi, Arjan Mezini, Artan Distafa, Alfred Gega, Alban Dibra, Gentian Stroni, Alketa Hoxha, Arvin Dibra, Amarildo Belshi, Alert Xhaja, Altin Kuqo e të tjerë.
Mbetet për t’u parë nëse mjekët do të pranojnë të takohen me kryeministrin Edi Rama, edhe pse ky i fundit jo më larg se paraditen e sotme paralajmëroi se mjekëve do t’u rritet paga me 40%, duke marrë parasysh punën e tyre gjatë pandemisë së koronavirusit.