“Mjaft më, Shqipëria nuk e meriton” Shifrat e azilantëve ‘tërbojnë’ Metën: Të rikthejmë shpresën

Presidenti Ilir Meta ka ngritur alarmin sot pas shifrave shqetësuese të azilkërkuesve shqiptarë në Europë.

Në rrjetet sociale, Kreu i Shtetit ka postuar një grafik u tregohet një raport për periudhën 2010-2019 ku Shqipëria renditet e katërta në botë dhe e para në Europë për aplikimet për azil.

Meta thekson se hapi i parë për rikthimin në Drejtimin e Duhur është respektimi pikë për pikë i Marrëveshjes së 5 Qershorit dhe mos devijimi prej saj as një milimetër.

Ndër të tjera ai shkruan se për të rikthyer shpresën duhet të rikthehet sovranitetin në duart e popullit, me hapjen e listave 100% dhe plotësimin e të gjitha kushteve të BE.

REAGIMI I PLOTE I PRESIDENTIT ILIR META:

Shqipëria nuk e meriton të renditet midis këtyre vendeve!

Shqipëria meriton vetëm të ardhme europiane!

Mjaft me Drejtimin e Gabuar të autoritarizmit, arrogancës, korrupsionit dhe marrëzisë, që po i varfëron dhe po i lodh kaq shumë  shqiptarët, duke i detyruar të largohen nga vendi.

Hapi i parë për rikthimin në Drejtimin e Duhur është respektimi pikë për pikë i Marrëveshjes së 5 Qershorit dhe mos devijimi prej saj as një milimetër.

Të rikthejmë shpresën duke  rikthyer sovranitetin në duart e popullit, me hapjen e listave 100% dhe plotësimin e të gjitha kushteve të BE!