Mitsotakis paralajmëron rikthimin e karantinës nëse nuk zbatohen masat

Kryeministri i Greqisë, Kiriakos Mitsotakis, u është drejtuar sot me një mesazh qytetarëve dhe kërkon prej tyre që të zbatojnë masat anti-Covid.

“Do ta them haptas: Dilema është ‘vetë-mbrojtje ose karantinë‘” theksoi Mitsotakis, ndërsa vijoi: “Jemi në një ‘pikë kritike në luftën kundër pandemisë’ për shkak të shpërthimit të ri të koronavirusit, në një kohë kur vendi po “lufton” në shumë fronte.

Më tej ai u shpreh se duhet të zbatohen masat tani që të shmanget një bllokim i dytë i vendit dhe të mos ketë rritje të numrit të të shtruarve dhe atyre që janë në intubim.

“Distancë. Higjienë personale. Dhe, më e rëndësishmja, mbani maska derisa të gjendet vaksina. Unë do të guxoja të them se maska ​​është vaksina ndaj virusit”, tha Mitsotakis.

Unë e kam provuar, në fund të fundit, që nuk hezitoj të marr vendime të vështira shpejt. Por në mënyrë që të zbutet vala e re e pandemisë, shteti, shkencëtarët dhe qytetarët duhet të punojnë së bashku“, nënvizoi ai .

Po ashtu Mitsotakis theksoi se ndonëse vendi është më i përgatitur se në fillim të pandemisë për ta përballuar atë, sistemi shëndetësor ka nevojë ende për shumë punë.

“Unë ju siguroj se strukturat tona spitalore janë larg kufijve të së mirës. Sigurisht që ato janë vazhdimisht duke u forcuar, por ne duhet të bëjmë kujdes” theksoi ai.

Mitsotakis gjithashtu pranoi se “ne kemi nevojë për më shumë automjete dhe shërbime më të shpeshta që ti shërbejnë njerëzve. Pra, nga java e ardhshme, 100 autobusë të rinj do të fillojnë të operojnë dhe 400 të tjerë deri në fund të vitit”./ Opinion.al