LIGJET E BIZNESIT
Këtë fundjavë presidenti Ilir Meta ka zgjedhur si destinacion Zall Dardhën e Dibrës.
Duket se ky vend i ka mbetur në mendje, pasi dhe në rrjetet sociale Kreu i Shtetit ka publikuar një video ku shfaqet duke kërcyer me banorët e zonës.
“Një mbrëmje e paharrueshme në Zall Dardhë. Këto vise të mrekullueshme duhet të gjallërohen përgjithmonë!”, shkruan Meta i emocionuar.
Më herët, pasi ka ndjekur koncerte dhe ka zhvilluar takime me të rritur e me fëmijë, Presidenti ishte shprehur me këto fjalë:
“Dibra trime dhe e mençur, simboli i qëndresës së shqiptarëve, ka qenë përherë djepi i luftërave patriotike për liri dhe identitet kulturor. Para Atdheut dhe flamurit kombëtar dibranët kanë qenë krenarë, dhe gjithmonë gati në mbrojtje të tyre.
Zall Dardha është një nga fshatrat e kësaj treve me histori të madhe që gjithashtu ka spikatur edhe si krahinë e artistëve, rapsodëve dhe valltarëve të famshëm, burim i pashtershëm i talenteve të reja.
Artistët e saj ndër vite kanë qenë një shembull i madh frymëzimi, dhe model i pasionit e përkushtimit për transmetimin brez pas brezi të traditave, zakoneve dhe vlerave unike folklorike të kësaj treve atdhetare.”
Në mirënjohje të kontributit të dhënë për ruajtjen e trashëgimisë kulturore kombëtare, pata kënaqësinë të nderoja me tituj të lartë, në vendlindjen e tyre, disa personalitete të shquara të etnografisë, folklorit dhe muzikës popullore shqiptare të Zall Dardhës.”
