“Mësuesit do bëjnë tampon përditë” Flet shefja e ISHP: Si do veprohet nëse do ketë nxënës të infektuar

Shefja e epidemiologjisë në Institutin e Shëndetit Publik Eugena Tomini ka deklaruar se mësuesit do të testohen përditë për COVID19.

Ajo është shprehur se me fillimin e vitit të ri shkollor, ky proces do të behet kështu pasi nuk ka siguri për 48 orët në vazhdim.

“Ky testim do jetë në përditshmëri. Mësuesit do testohen përditë sepse nuk kemi siguri për 48 orët në vazhdim”, u shpreh ajo në News 24.

E pyetur se kur do të merret vendimi për mbylljen e shkollës apo klasave, Tomini shpjegoi se ka disa procedura.

“Së pari, nëse do kemi shfaqjen e një rasti të vetëm dhe do ketë një vlerësim të rrethit epidemiologjik të atij rrethi, dhe del se nuk kemi transmetim imunitar. Do të izolohet vetëm nxënësi. Dhe personat në dy krahët e tij do testohen. Nëse kemi më shumë se dy nxënës në një klasë, klasa do të izolohet dhe nxënësit do të qëndrojnë në shtëpi”, tha ajo.