Merrte lekë në këmbim të provimeve, ja çfarë vendosi sot gjykata për pedagogun e njohur

Ditën e sotme GJKKO ka dhënë masën e sigurisë “arrest me burg” për pedagogun Alket Dino.

Ky i fundit u arrestua me akuzën për korrupsion, pasi u merrte studentëve para në këmbim të dhënies së provimeve.

Por së bashku me pedagogun u arrestua dhe sekseri Xhevi Dervishi, në afërsi të Fakultetit me një sasi prej 300 eurosh dhe 50.000 lekë, të cilat nga hetimet e kryera dyshohet se i kanë përfituar në mënyrë të kundërligjshme nga studentët.

Nga ana tjetër avokati i Dinos, Nevzat Tarelli është shprehur gjatë një deklaratë për mediat se klienti i tij nuk ka marrë para.

Ai tregoi se procedimi ka nisur një muaj më parë nga SPAK dhe pedagogu është mbajtur në përgjim. “Pedagogu është mbajtur për një muaj në përgjim, kohë kur është regjistruar procedimi penal nga SPAK dhe dje është bërë arrestimi në flagrancë. Dino u arrestua mbrëmë për shkak të një hetimi të filluar nga SPAK”, tha ai.