Ditën e sotme kryeministri Edi Rama ka vendosur të tregojë një histori të trishtë.
Ai gjendej sot në Durrës, në shkollën e fiskulturës ku ka zhvilluar dhe një bashkëbisedim mbi mënyrën se si do të zhvillohet viti i ri arsimor.
Ndër të tjera kreu i qeverisë ka rrëfyer se virusi bën gjëmën te disa persona, ndërsa te të tjerë kalon pa u ndjerë.
Gjithashtu Rama shtoi se edhe vëllai i një shokut të tij, kishte humbur jetën një ditë më parë, pasi ishte infektuar me Covid-19.
“Vëllai i një shokut tim humbi jetën, ishte i ri nuk ishte në moshë të madhe. Askush nuk e përcakton se si dhe pse virusi bën gjemën te dikush dhe kalon pa u ndjerë fare diku tjetër”, rrëfeu Rama.
