LIGJET E BIZNESIT
Selena Gomez ka ndarë sot një foto mahnitëse ku shfaqet me rrobabanjo ngjyrë blu, por xhiron e rrjetit po e bëjnë pikërisht fjalët e saj lidhur me pasojat dhe sikletin që ka kaluar pas transplantit të veshkave në 2017.
Këngëtarja thotë se pas transplantit të veshkave, ajo bëri të gjitha përpjekjet për të fshehur shenjat e ndërhyrjes në trup, madje vishej me rroba që mos të dukej asgjë, por tani jo më.
Kur bëra transplantin e veshkave, mbaj mend që ishte shumë e vështirë që në fillim të tregoja shenjat që mbetën në trupin tim. Unë nuk doja që të dilja në foto, kështu që vishja gjëra që ta mbulonin shenjën. Tani, më shumë se kurrë ndonjëherë, ndihem e sigurtë për atë që jam dhe në atë që kam kaluar … dhe jam krenar për këtë. T – Urime për atë që po bën për gratë, duke lançuar @lamariette mesazhi i së cilës është vetëm se … të gjithë trupat janë të bukur “.
Kujtojmë se autorja e hitit “Come and get it” iu nënshtrua një transplanti veshkash në verën e vitit 2017. Ajo ishte në prag të vdekjes, por shoqja e saj e ngushtë, Francia Raisa, i shpëtoi jetën, duke i dhuruar njërën nga veshkat.
Aso kohe Selena tha se nuk mund të kërkonte nga askush të sakrifikonte një veshkë, por Francia doli vullnetare pa e menduar dy herë.
Më herët këtë vit Selena tha në një intervistë se të folurit në publik në lidhje me problemet e saj shëndetësore – si fizikisht dhe mendërisht – ka ndihmuar shumë persona të tjerë.
Unë nuk e kisha menduar ndonjëherë se ky do ishte roli im “të qenurit një avokate e shëndetit mendor”, por unë i dua njerëzit. Më intereson shumë kjo çështje. Kam kaluar nëpër shumë çështje mjekësore dhe e di që mund të arrij te njerëzit që po kalojnë gjëra të ngjashme të frikshme – një transplant organi, ose duke qenë në dializë, ose duke u larguar për trajtim.
