Kryeministri Edi Rama ka folur nga Greqia nën cilësinë e kryetarit të OSBE.
I pranishëm në tryezën me temë “Ballkani Perëndimor përtej 2020” organizuar nga “The Economist”, ai u shpreh se Shqipëria nuk ka asnjë alternativë tjetër përveç se Bashkimin Europian.
Rama e ka quajtur dialogun mes Greqisë dhe Maqedonisë së Veriut si një nga shembujt më të jashtëzakonshëm të kësaj kohe, një shembull për të gjithë.
“Ne nuk kemi alternativë tjetër, alternativa e vetme është Bashkimi Europian, jo sepse na e kërkon miqtë më të mëdhenj e të fuqishëm, por sepse kjo është një kërkesë e fëmijëve tanë, e brezit të ardhshëm, është ëndrra e përhershme e etërve tanë. Në Ballkanin Perëndimor që prej kohësh jemi përfshirë në një bashkëpunim dhe mendohet se edhe pse ka çështje si çështja e Kosovës, mos njohja nga Serbia ne kemi qenë në gjendje të ulemi dhe të diskutojmë të ardhmen tonë bashkë.
Këto janë kohë të veçanta sepse jemi goditur të gjithë nga kjo pandemi dhe sipas parashikimeve të Organizatave ndërkombëtare, rajoni jonë do jetë më i godituri, megjithatë besohet se ka potencial për të çliruar dhe për të ecur përpara duke mbyllur hendeqet e së shkuarës. Mendoj se lajmi më i mirë është që mosmarrëveshjet mund të zgjidhen së bashku dhe dialogu është i vetmi instrument.
Për ta përmbyllur, mund të përmend një nga shembujt më të jashtëzakonshëm të kësaj kohe, që është zgjidhja dialogu mes Greqisë dhe Maqedonisë së Veriut. Kjo është historike dhe e jashtëzakonshme dhe është një mësim për të gjithë. Në përpjekje për të kënaqur, duke mos pasur kurajën për të mos thyer tabutë, si rrezik për karrierën dhe kjo nuk është mënyra që të fitohet vërtetë, ai i fitoi zgjedhjet sërish, dhe krijoi konsensus rreth kësaj bindjeje, jo bindje rreth konsensusit dhe shpresojmë që të gjithë ne kemi mësuar nga kjo”, është shprehur Rama ndër të tjera.
LIGJET E BIZNESIT
