LIGJET E BIZNESIT
Një nga banorët e fshatit Shpërdhet të Kurbinit, shtëpia e të cilit është shkatërruar nga tërmeti i 26 nëntorit të vitit që lamë pas, ka shprehur shqetësimin e tij në lidhje me kushtet e vështira që jeton.
Ai quhet Eduart Hysa, dhe deri para një javë ka jetuar në çadër, madje thotë se fëmija i tij i tretë ka lindur aty, duke qenë kështu një nga historitë më të vështira të periudhës pas tërmetit.
Më pas ai ka vendosur të marrë një iniciativë të rrezikshme, duke u kthyer të jetojë në shtëpinë që ka pësuar dëme të pariparueshme.
Gjatë bisedës me përfaqësuesin e Partisë Demokratike, kreun e FRPD, Belind Këlliçi, ai thotë se shtëpinë fillimisht ia kanë vlerësuar si të pabanueshme dhe për tu shembur.
Por më pas ekspertët e tjerë që kanë bërë vlerësimin kanë ndryshuar mendje dhe e kanë klasifikuar banesën në nivelin e mesëm DS2 për riparim dhe jo rindërtim megjithëse inxhinierët që në krye të herës i kanë thënë të mos hyjë në atë banesë pasi rrezikon të shembet. Shuma që përfiton nga ky vlerësim nuk i mjafton për të bërë asgjë me shtëpinë, ndërsa jeton vetëm me 100 mijë lek të kempit si invalid, vetë i gjashtë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Qytetari: Unë jam Eduart Hysa, banor i Shpërdhetit. Deri para një jave kam ndenjur në çadër dhe tani po jetoj në shtëpi të shembur, siç po e shihni edhe ju.
Këlliçi: Eduart, sa veta jeni?
Qytetari: Jam vetë i gjashti, nëntë muaj në çadër.
Këlliçi: Po pse vendose të futesh këtu?
Qytetari: Nuk kam rrugë tjetër, nuk jetohet me fëmijë të vegjël në çadër gjithë kohës. Tani përsëri këtu në shtëpi, po rrezikojmë.
Këlliçi: Në shtëpinë e prishur?
Qytetari: Po, në shtëpinë e prishur. Po rrezikoj dita-ditës.
Këlliçi: Si ta kanë vlerësuar shtëpinë? A ka ardhur dikush nga shteti me u interesu?
Qytetari: DS.. Ka ardhur dhe më kanë thënë… kur kanë ardhur për herë të parë inxhinierët më kanë thënë që mos hyni brenda, se kjo rrezikon që të shembet.
Këlliçi: Edhe si të klasifikuan?
Qytetari: Pastaj kur ka dalë akt konstatimi ma kanë nxjerr DS2 të mesëm, nuk ma kanë vlerësuar siç duhet.
Këlliçi: Po ndonjë ndihmë, ndonjë mbështetje, ndonjë financim nga shteti, ke marrë?
Qytetari: Asnjë lloj gjëje!
Këlliçi: Bonus qeraje, mbështetje financiare?
Qytetari: As bonus qiraje, asnjë gjë!
Këlliçi: Me aq lekë (fjala është për paratë që përfiton për riparim nga vlerësimi DS2) çfarë mund të bësh ti në shtëpi?
Qytetari: Asnjë gjë!
Belindi: Sa fëmijë ke?
Qytetari: 3 fëmijë! Më të madhin 9 vjeç, më të voglin 6 muajsh.
Këlliçi: 6 muajsh?!
Qytetari: 6 muajsh!
Belindi: Fëmija ka lindur ne çadër?
Qytetari: Në çadër, ne çadër!
Këlliçi: Edhe vetëm para 4 ditësh keni dalë nga çadra?
Qytetari: Po!
Belindi: Të ardhura financiare, çfarë keni?
Qytetari: Unë jam invalid. Marr një kemp nga 100 mijë lekë (të vjetra).
Belindi: Vetë i gjashtë?
Qytetari; Vetë i gjashtë!
Belindi: Asnjë mbështetje nga shteti tjetër?
Qytetari: Jo! Të vijnë ta vlerësojnë, ta rishikojnë! Mos të na lënë këtu që te na zënë këto gërmadha brenda!
