“Jam shumë i zhgënjyer nga Hajdari dhe Gjiknuri” ‘Shpërthen’ Ralf Gjoni, ja ankesa që ka ndaj kolegëve

Deputeti Ralf Gjoni është shprehur sot në Komisionin e Ligjeve së ndihet shumë i zhgënjyer nga Damian Gjiknuri dhe Rudina Hajdari.

“Personalisht jam shumë i zhgënjyer dhe nga Gjiknuri dhe nga znj Hajdari pavarësisht miqësive personale nga përfaqësimi i tyre në këshill”, u shpreh ai.

Ndërsa për propozimin që ka dhënë Partia Socialiste në lidhje me ndryshimet në Sistemin Zgjedhor, Gjoni ka deklaruar se sipas tij ky projektligj është futur në universitetin e Oksfordit si një studim impakti.

“Ky projektligj është futur në universitetin e Oksfordit si një studim impakti. Do analizohet dhe mënyra se si është trajtuar ky projekt ligj nga parlamenti nga ekspertët e universitetit të Oksfordit. Jemi si tek filmi Lufta e froneve. Jemi përballë një dimri të acartë, të tmerrshëm jo vetëm në Shqipëri por dhe në botë, për shkak të pandemisë dhe krizës globale.

Kjo që po bëni ju për ta kaluar fët e fët ato filmat e Raxh Kapurit me ansamblet indiane në unison. Ju sot jeni në unison të plotë me ata që janë jashtë për të solidifikuar sistemin e vjetër. Nëse ka mundësi që propozimet tona në amendament dhe çfarë do lloj elementi detaj që është huazuar, që ju e cilësoni si të mirë për t’u inkuadruar në Kodin Zgjedhor ta arrijmë ta miratojmë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Situata shoqërore parashikoj që të jetë pëlcasëse dhe do vijë momenti që asnjë ambasador nuk do mund ta kontrollojë inatin e shqiptarëve”, ka thënë Gjoni ndër të tjera.