‘Ja çfarë ndodhi në lokal 3 orë pasi u vra Bujar Çela’ Gazetarja publikon foton dhe ngre alarmin

Një ngjarje tronditëse ndodhi mëngjesin e djeshëm në një lokal në rrethrrotullimin e Bradasheshit, Elbasan.

Vëllai i të shumëkërkuarit Talo Çela, u ekzekutua me breshëri plumbash pak momente pasi doli nga makina.

Por vetëm 3 orë pas ngjarjes që tronditi Elbasanin, qytetarët kanë frekuentuar lokalin për kafe ende pa u tharë mirë gjaku i viktimës.

Këto pamje kanë shqetësuar dhe gazetaren e njohur të kronikës Dorjana Bëzat.

E alarmuar ajo ka publikuar foton dhe shkruan:

Shqipëria në një foto!

Kafe, raki dhe dallavere…

Zero ndergjegje qytetare.

Nuk kishin kaluar as 3 orë që në këtë lokal u bë shoshë nga plumbat një 62-vjeçar. Me heqjen e shiritave të policisë, “qytetarë” të shumtë, komentet për vrasjen e tij, i bënë duke pire kafe mbi gjakun ende të njomë në verandën e lokalit, ku 62-vjeçari dha shpirt. Fatkeqësia e vetme e tij ishte se kishte vëlla një kriminel.

Vrasja, një gjë e zakonshme! Welcome to Elbasan City!