Lajmi se ministrja e Arsimit Besa Shahini u largua dje nga qeveria me rastin e fillimit të vitit të ri shkollor, ishte i papritur për të gjithë.
Ndërkohë në lidhje me këtë ka folur së fundmi dhe kryetari i Bashkisë së Tiranës Erion Veliaj, i cili shprehet se sipas tij ky ishte një vendim ekskluziv i kryeministrit Edi Rama.
Sipas Veliajt kreu i qeverisë ka të drejtën e ndryshimeve, të cilët përpara fushatës i konsideron si normale.
“Ky është një vendim ekskluziv i Ramës, siç është e drejta e Edi Rejës të ndryshojë skuadrën e tij. Më duket më se normale, që teksa futemi në fushatë, ata që s’do jenë pjesë e saj, të kalojnë stafetën te dikush që do jetë pjesë e fushatës. Besoj se secila prej ministreve tona të Arsimit, edhe Evisi që i uroj suksese, krahasuar me ata që s’kanë ndërtuar asnjë shkollë, janë dita me natën. Trajneri i ekipit tonë ka zgjedhur të bëjë një ndërrim të fundit të ndeshjes. Tentativa për të bërë gjëra ndryshe është gjithmonë e lavdëruar. Mund të dështojë, por të paktën nuk je kurrë pishman se dështove”, u shpreh kryebashkiaku ndër të tjera.