Grip, ftohje apo COVID19? Ekspertët tregojnë mënyrën: Ja si të bëni dallimin në dimër

Duke qenë se stina e dimrit është shumë pranë, shtetet do të hyjnë në sezonin e të ftohtit dhe gripit.

Por simptomat e të dyja sëmundjeve mund të jenë të ngjashme me ato të koronavirusit.

Dhe për pasojë këtë vit mund të rrezikohet shpërndarja e tij.

Ndërkohë në Britani, Shërbimi Kombëtar i Kujdesit Shëndetësor (NHS), ka prezantuar një guidë për të ndihmuar njerëzit të bëjnë dallimin mes 3 sëmundjeve.

Ekspertët e shëndetësisë thonë se shpresojnë që ajo të qartësojë njerëzit nëse duhet të sillen njësoj si vitet më parë apo të vetëizolohen dhe të kërkojnë test për COVID19.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Simptoma më e përhapur e koronavirusit është temperatura 37.8, një kollë e thatë e vazhdueshme dhe humbje e ndjesisë së shijes apo nuhatjes.

Ndonjëherë pacientët mund të ndiejnë lodhje, dhimbje, fyt i thatë, dhimbje koke dhe vështirësi në frymëmarrje.

Ndërsa diarreja dhe hundët që rrjedhin janë të rralla.

Tek e ftohura, simptoma më e zakontë është teshtima, dhimbjet, hundët që kullojnë dhe fyti i irrituar. Mund të ketë edhe kollë, ndonjëherë këputje dhe është e rrallë të kesh temperaturë dhe dhimbje koke. E ftohura nuk shkakton diarre. Ndërsa gripi konsiston kryesisht në temperaturë, këputje, kollë dhe dhimbje, përfshirë atë të kokës.

Pacientët mund të kenë hundë që rrjedhin ose të zëna dhe fyt të irrituar. Diarrea ndeshet ndonjëherë tek fëmijët. Nuk ka teshtima apo vështirësi frymëmarrje me gripin.