LIGJET E BIZNESIT
Dy ditë më parë një atentat mafioz tronditi Tiranën, ku 51-vjeçarit Preng Gjini iu vu tritol në makinën me të cilin po lëvize.
Por shpërthimi nuk rezultoi të ishte fatal për të, pasi për fat të mirë nuk arriti të humbë jetën.
Ndërkohë Gjini ka folur së fundmi nga spitali i Traumës ku dhe ndodhet i shtruar për shkak të plagëve të marra.
Ai ka treguar përpara oficerëve të policisë lëvizjet që ka bërë ditën e atentatit duke thënë se ka qenë në Tiranë dhe ka lëvizur në disa rrugë.
Preng Gjini ka treguar lokalet ku është ulur dhe ka kryer takime, ndërsa ka pohuar se nuk asnjë hasmëri, apo konflikt me të tjerë.
“Nuk kam asnjë hasmëri dhe konflikte me persona të tjerë. Më është vrarë vëllai por nuk mbaj përgjegjësi për veprimet e tij. Gjatë gjithë kohës nuk kamë vënë re asnjë detaj të dyshimtë. Gjithmonë lëvizja i vetëm dhe nuk kisha frikë që të ruhesha. Makinën ia merrja shpesh kushëririt, pasi me të kam marrëdhënie të mira”, ka qenë deklarata e Preng Gjinit para oficerëve të policisë nga shtrati i spitalit ku qëndron i shtruar dhe jashtë rreziku për jetën.
