Policia e Tiranës ka vënë në pranga një 48-vjeçar me iniciale N.K.
Ky i fundit akuzohet se ka tentuar të përdhunojë kolegen, teksa të dy po punonin në një furrë buke në Kombinat.
Pas kallëzimit të bërë nga 46-vjeçarja, policia është vënë në lëvizje.
Ajo ka treguar se ishin duke punuar si zakonisht, kur kolegu tentoi që të kryente marrëdhënie intime me të.
Gruaja ka rrëfyer para uniformave blu se ka kundërshtuar. Pas episodit të ndodhur rreth orës 1 të mëngjesit, ajo është paraqitur në komisariat për të bërë kallëzim.
Pas dëshmisë së 46-vjeçares, efektivët e policisë kanë vënë në pranga kolegun e saj, të akuzuar për tentativë përdhunimi.