E rëndë/ 39-vjeçarja humb jetën në rrethana misterioze në klinikën private. Nisin hetimet për mjekun dhe infermieren

Një ngjarje e rëndë ka ndodhur në një klinikë private në qytetin e Korçës.

Mësohet se një 39-vjeçare ka humbur jetën në rrethana misterioze.

Sipas policisë bëhet fjalë për shtetasen me iniciale XH.D, banuese në Korçë, e cila ka ndërruar jetë në klinikën private rreth orës 16:30 të ditës së shtunë (19 shtator).

Për këtë arsye, policia ka nisur procedimin penal për mjekun Ilir Bibolli mjeku dhe infermieren Marinela Postoli.

Jo zyrtarisht, thuhet se ndjera po bënte fibroskopi pranë klinikës, por do të jetë autopsia ligjore ajo që do të përcaktojë përfundimisht shkakun.

NJOFTIMI ZYRTAR I POLICISE

Specialistët për Hetimin e Krimeve në Komisariatin e Policisë Korçë, filluan procedimin penal në gjendje të lirë ndaj shtetasve:

1. B., 65 vjeç dhe M. P., 39 vjeçe, banues në Korçë.

Këta shtetas, duke qenë me detyrë personel mjekësor në një klinikë private, dyshohet se nuk kanë respektuar protokollet mjekësore gjatë trajtimit të pacientes Xh. D., 39 vjeçe, banuese në Korçë, e cila dje rreth orës 16:30, ka gjetur vdekjen në këtë klinikë.

Në lidhje me këtë rast, po priten rezultatet e autopsisë ligjore.

Materialet për hetime të mëtejshme i kaluan Prokurorisë Pranë Gjykatës së Shkallës së Parë Korçë për veprën penale “Neglizhenca në trajtimin mjekësor”.