LIGJET E BIZNESIT
Ndërron jetë në moshën 91 vjeçare, Emiri i Kuvajtit, Sheik Sabah al-Ahmed al-Sabah.
Ai ndodhej në gjendje të rënduar shëndetësore që prej muajit korrik, ku u dërgua në SHBA për trajtim mjekësor dhe kreu një operacion.
Ai ka drejtuar shtetin arab të Gulf të pasur me naftë që prej vitit 2006 dhe ka mbikëqyrur politikën e jashtme për më shumë se 50 vjet. Sabah al-Ahmed al-Sabah u quajt “dekani i diplomacisë arabe” për përpjekjet e tij për të rivendosur marrëdhëniet me shtetet që mbështetën Irakun gjatë Luftës në vitin 1990-1991, kur Kuvajti u pushtua nga forcat Irakiane.
Ai gjithashtu ka ndërvepruar edhe si ndërmjetës, duke përfshirë ngërçin e vazhdueshëm diplomatik midis Arabisë Saudite, aleatëve të saj dhe Katarit.
Sheik Sabah pritet të pasohet nga gjysmë vëllai i tij, princi i kurorës Sheik Nawaf Al Ahmad Al Sabah.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
