Dita që tronditi SHBA/ Bota kujton sot 11 shtatorin 2001, 19 vite nga tragjedia e madhe (FOTOT)

E gjithë bota e mban mend datën 11 shtator 2001 si dita kur SHBA u godit nga sulme të avionëve ushtarakë të Al Kaedas.

Edhe pse kanë kaluar 19 vite tashmë, ai moment ndryshoi përgjithmonë rrjedhen e historisë Amerikane dhe fushëpamjen e New Yorkut.

Sulmet terroriste të koordinuara ndaj Qendrës Botërore të Tregtisë, Pentagonit i morën jetën gati 3000 amerikanëve.

Por këtë vit pandemia e COVID19 ka bërë që mos të bëhen përkujtime për 11 shtatorin.

Kujtojmë se përpara kësaj date, Kullat Binjake të Qendrës Botërore të Tregtisë ishin bërë simboli i fuqisë ekonomike të SHBA-ve – duke qëndruar mbi Manhatan si qendër e tregtisë dhe biznesit që punësoi dhjetëra mijëra nga e gjithë zona e tre shteteve amerikane.

Në 102 minuta të mëngjesit, terroristët shkatërruan Qendrën Botërore të Tregtisë në një nga episodet më shqetësuese në histori. Agresorët përplasën avionët e pasagjerëve të rrëmbyer në secilën kullë, duke shkaktuar zjarre masive në zyra në secilën ndërtesë.

Dëshmitarët shikonin të tmerruar kur viktimat e bllokuara në apartamente në kulla nisën që të hidheshin nga lart drejt tokës, drejt vdekjes së tyre.

Mijëra persona që reaguan menjëherë – oficerë policie, zjarrfikës, ndihmësmjekë – u mblodhën në Qendrën Botërore të Tregtisë për të shpëtuar sa më shumë jetë të jetë e mundur.

Qindra zjarrfikës shkuan në vendngjarje, në një nga ngjarjet më të rënda për SHBA-të, por edhe për mbarë njerëzimin.