Gjatë natës që sapo lamë pas një automjet është shkrumbuar nga flakët në zonën e Kombinatit në Tiranë.
Sipas informacioneve ngjarja ka ndodhur rreth orës 02:50 në rrugën “Thoma Goxhaj”.
Burime zyrtare nga Policia e Tiranës bënë me dije se zjarri ka rënë në mjetin e shtetasit me inicialet A.A, që qëndronte i parkuar, ndërsa nga flakët është djegur plotësisht.
Grupi hetimor dhe shërbimet e Policisë vijojnë punën për zbardhjen e rrethanave të ngjarjes, dhe përcaktimin e shkakut të zjarrit.