Chelsea merr 3 pikët e para të sezonit të ri, fitorja vjen nga këmbët e mbrojtësave

Chelsea e ka nisur me fitore sezonin e ri të Premier League. Londinezët vuajtën disi në transfertën e Brighton por në fund arritën qëllimin e 3 pikëve të para.

Golin e parë të sezonit tek londinezët e realizoi një mesfushor i cili thuajse u harrua sezonin e kaluar, Jorginho i cili realizoi një penallti të fituar nga Werner. Por vendasit u kundërpërgjigjën me një gol në pjesën e dytë nga jashtë zone, edhe pse Arrizabalaga mund të kishte bërë më mirë në atë rast.

Vetëm një minutë zgjati balanca, teksa mbrojtësi i krahut të majtë, James Reece lëshoi të djathtën për të shkundur rrjetën e kundërshtarëve për herë të dytë. Siguria do të vinte sërish nga një mbrojtës, Kurt Zouma i cili i ndihmuar nga një devijim pa topin teksa ngadalë shkonte drejt rrjetës, kurse portieri u hodh nga krahu tjetër.

Chelsea vetëm 2 javë më parë luajti miqësore në ”Amex Stadium” ku barazoi 1-1. Po ashtu edhe sezonin e kaluar londinezët u ndalën në barazim ndaj Brighton. Por duket se tashmë e thyen edhe këtë tabu.

Për ekipin e Lampard debutuan për herë të parë dy prurjet e reja Havertz dhe Werner, pa arritur të shënojnë, kurse Chilwell me Ziyech janë të dëmtuar. Thiago Silva gjithashtu do të debutojë më vonë pasi është me pushime.