Ashtu si gjithnjë, edhe ditën e sotme avokat Ngjela ka qenë shumë i hapur në mendimin e tij se politika shqiptare është shumë e trembur nga amerikanët.
Ai thotë se palët janë të shqetësuara për shkak të axhendës së politikës amerikane anti-korrupsion që ushtrohet nëpërmjet ambasadores amerikane në Tiranë.
“Nuk kanë substancë sepse palët janë të shqetësuara. Në një krah kemi arsyen e politikës amerikane që del nëpërmjet ambasadores amerikane në Tiranë, në lidhje me anti-korrupsionin dhe strukturimin e Byrosë Kombëtare të Hetimit dhe nga ana tjetër kemi një sipërmarrje fállco të zgjedhjeve të 2021-shit. Them false sepse do të jetë shumë i rreptë kontrolli i vettingut të kandidatëve.
Është shumë e vështirë të pranojnë kandidatët me vettingun që është vendosur kundër tyre. Megjithatë politika e madhe që na përkrahë në Reformën Anti-Kórrupsion, e ka synimin tek liderët aktual, ish-kryeministrat, ish-ministrat, ministrat aktual. Nuk duhet të nxitohemi për të dhënë një konkluzion pasi e shoh që gjithë kjo sipërmarrje ka një falsitet brenda, bëjnë sikur. Të shohim çdo të bëjë politika amerikane me Byronë Kombëtare të Hetimit, e cila është shpresa ánti-kórrupsion. Të shohim çdo të bëjë Byroja Kombëtare e Hetimit”.- tha Ngjela, për Faxnews.