Atentati me tritol që tronditi Tiranën/ Kjo është lëvizja që i shpëtoi jetën Prend Gjinit

Pasditen e djeshme një atentat me tritol që ishte vendosur në një makinë, tronditi Tiranën.

Bëhet fjalë për Prend Gjinin, i cili mbeti i plagosur në shpërthimin që ndodhi në urën e Nisharakut në zonën e Tiranës së Re.

Tashmë ai po i nënshtrohet disa operacioneve në Spitalin e Traumës dhe është jashtë rrezikut për jetën.

Fillimisht me mbërritjen në spital, i plagosuri i është nënshtruar një operacioni në organet e brendshme.

Bëhet e ditur se si pasojë e dëmtimit i është hequr një pjesë e zorrës. Ndërkohë gjatë ditës së sotme, preng Gjini i është nënshtruar një operacioni në dorë. Nga të dhënat bëhet e ditur se Gjini ka dëmtuar edhe syrin e djathtë dhe pritet që të ketë një tjetër ndërhyrje.

Por ajo që e ka shpëtuar nga vdekja është fakti se tritoli sipas  mjekëve është vendosur në sediljen e pasagjerit. Sipas  këtyre detajeve autorët e kanë ditur se Gjini udhëtonte gjithmonë i shoqëruar dhe asnjëherë nuk e drejtonte vet makinën. Por dje fati duket se ka qenë me të. Ai ka dalë vet me makinë duke mos u ulur në sediljen e pasagjerit, ku nëse do të kishte qenë aty, pasojat do të kishin qenë fatale.