Kryeqyteti francez Parisi është pushtuar nga alarmi ditën e sotme.

Mësohet se një person ka kërcënuar se do të hedhë në erë gjithçka.

Mediat ndërkombëtare raportojnë se dyshohet për një sulm terrorist.

E gjithë situata ka ngritur në këmbë autoritetet dhe menjëherë është vendosur perimetri i sigurisë dhe po evakuoohen të gjithë vendasit dhe turistët.

Efektivët e policisë kanë rrethuar një zonë të madhe përreth monumentit në kryeqytetin francez dhe i kanë bërë thirrje njerëzve të rrinë larg, teksa oficerët kanë inspektuar zonën për të zbuluar nëse ky kërcënim është real.

Sipas këtyre mediave, një telefonues anonim i tha policisë se ata kishin vendosur një bombë në vendin, i cili normalisht vizitohet nga dhjetëra mijëra njerëz çdo ditë. Pa cituar një burim, gazetari Amaury Bucco, postoi foto të kordonit të policisë dhe pohoi në Tëitter: Perimetri i Kullës Eiffel është i rrethuar, operacioni i policisë në vazhdim, një burrë bërtiti Allahu Akbar dhe kërcënoi të hidhte në erë gjithçka.