Një aksident automobilistik me pasojë vdekjen ka ndodhur sot në mëngjes në autostradën Tiranë-Durrës.
Përplasja u shënua në korsinë me drejtim lëvizje drejt qytetit bregdetar.
Mësohet se një automjet tip “BMË” është përplasur me një tjetër tip “Fiat”.
Për pasojë ka ndërruar jetë drejtuesi i “Fiatit”.
Pavarësisht mbërritjes së ambulancës në vendngjarje, nuk kanë mundur që ta shpëtojnë personin në fjalë.
Ndërkohë ka nisur dhe hetimi në lidhje me aksidentin, i cili ka sjellë dhe një rëndim të trafikut në zonë.
“Rreth orës 06:05, në autostradën Tiranë-Durrës, mjeti me drejtues Xh.S, ka aksidentuar mjetin me drejtues shtetasin E.M., i cili si pasojë e plagëve të marra ka ndërruar jetë. Drejtuesi i mjetit u shoqërua në Komisariatin e Policisë Nr.6, për veprime të metejshme. Grupi hetimor ndodhet në vendngjarje dhe vijon punën për zbardhjen e rrethanave të ngjarjes”, bën me dije policia në njoftimin zyrtar.